週一, 13 二月 2017 16:02
享負盛名的國際旅遊書籍出版社《 Lonely Planet 》近日推出新書,今次新作唔完全係介紹你去邊度旅遊,而係介紹世界各地最好的飲品,而香港的鴛鴦就為港增光,榜上有名。榜上的飲品都係嚟自世界各地的特色飲品,我們一齊睇睇究竟有邊十大飲品上榜!唔知你又會試過幾多款呢?

 

以下排名不分先後:

1. 來自摩洛哥的薄荷茶

薄荷茶是由薄荷葉、水和大量糖而製成,每當有客人去屋企作客,主人家的第一位男丁就會負責調製飲品俾客人,以示好客及歡迎客人的到來。如果客人飲少過三杯薄荷茶的話,就表現得無禮貌。

mint tea

(圖片來源:網上圖片)

2. 來自俄羅斯的淡啤酒

淡啤酒採用黑麥發酵而成,有時為增加甜味或風味仲會使用一些水果和薄荷。在俄羅斯,淡啤酒稱得上是一種國飲,泡沫細膩,麥芽味香濃。儘管人們根本不將淡啤酒視為酒精飲品,但它確實是含有酒精的。而且這種飲品可以在街邊買到,價格又平(大約港幣5蚊一杯),如果有機會就一定要試下!

beer

(圖片來源:網上圖片)

3. 來自墨西哥的 Sangrita

Sangrita在西班牙語中的意思是第一滴血,即係話,呢杯飲品係血紅色的。望落就已經好刺激,點知飲落仲刺激,因為呢杯飲品係包含甜,酸,辣三種味道,因成份有橙汁、檸檬汁、糖漿及辣醬。呢隻飲品唔一定要係墨西哥先飲到,網上都有人教大家點樣係屋企整Sangrita或佢嘅唔辣版。

Sangrita

(圖片來源:網上圖片)

4. 來自馬來西亞和印尼的拉茶

未飲過拉茶都唔好同人講你去過馬來西亞!茶與煉奶融合程度取決於師傅嘅沖茶技術。因為拉茶中的“揪”是一種藝術形式 – 任何人在拉茶時,兩個水罐的距離少於一米,將被視為業餘!師傅們可以將拉茶表演到出神入化,而且杯中嘅茶係完美地落到另一個杯,呢個唔單止係味覺享受,仲係視覺嘅享受添!

tea tarik

(圖片來源:網上圖片)

5. 來自香港的鴛鴦

相信都唔駛多作介紹,以前又會有邊個諗到,原來奶茶加咖啡係會咁好飲!唔講唔知,鴛鴦原來係代表中國傳統智慧入面的陰陽:茶代表陰,啡代表陽,合起嚟就成為唔少人去茶餐廳必點嘅鴛鴦。yuan yang

(圖片來源:網上圖片)

6. 來自加拿大的「馴鹿」

每年2月,在加拿大魁北克市舉行嘅冬季嘉年華,必定會有呢杯「馴鹿」嘅出現。佢混入白蘭地、伏特加同雪利酒,而且佢可以作為熱飲添!仲有,喺多種烈酒混合下,令飲咗呢杯飲品嘅人都會比較暖,所以係冰天雪地下唔少得嘅飲品。

Canada wine

(圖片來源:網上圖片)

7. 來自土耳其的愛蘭

愛蘭係一種乳白色的飲品,由三分之一的酸奶和三分之二的鹽水攪拌而成,上面仲會有一堆泡泡,外表可愛,不過製作工序就比較繁複。愛蘭酸酸嘅味道可以令人開胃啲,飲品入面嘅奶又可以中和土耳其食物中嘅辣,所以呢款飲品係土耳其係非常受歡迎。

turkey aryan

(圖片來源:網上圖片)

 

8. 來自智利的「地震」

呢款係一種甜甜嘅雞尾酒,裏面有白酒以及酸酸甜甜的菠蘿雪糕,聽到就覺得好好飲!呢款飲品通常係用飲管品嚐,第一口,會好似飲緊果味奶昔,之後就會飲到甜白酒pipeno嘅味道,再會飲到酒嘅微微苦澀。

Terremoto

(圖片來源:網上圖片)

9. 來自荷蘭的Anijsmelk

呢款飲品係用熱牛奶混入茴香種子,再加入糖漿而製成的,係荷蘭人不可或缺嘅一款飲品。在寒風過後飲一杯Anijsmelk,係一件樂事。荷蘭人通常會配以koek(一種蛋糕)或olliebollen(甜甜圈)一拼享用。通常荷蘭小朋友都會飲呢款飲品,因為佢體現 gezelligheid嘅真正意義上,一個獨特的荷蘭字詞,意思係樸素。

anijsmelk

(圖片來源:網上圖片)

 

10. 來自泰國的Siam Sunray

Siam Sunray 喺2009 因旅遊局宣傳活動而邀請著名調酒師Surasakdi Pantaisong調配而誕生,飲品混合咗冬蔭公嘅材料及糖漿,再加上伏特加和青檸,酸酸辣辣嘅味道正正代表正宗嘅泰國風味。可能大家都會覺得呢隻雞尾酒飲落會好奇怪,但一邊飲,一邊係泰國嘅沙灘曬太陽,的確Siam Sunray會令旅客對技國留下美好而又深刻嘅印象。

siam

(圖片來源:網上圖片)

橋林美食有限公司
連絡電話 : (07)557-5189
請填入您的姓名。
請輸入您的連絡電話。
請填入您的電子郵件信箱
請填入留言內容。
驗證碼  Refresh 驗證碼錯誤。
;

營業時間:早上十點到晚上十點

© 2016 foncha.com.tw All rights reserved.
https://www.沃華科技.com